Ակադեմիայի մագիստրանտ Սուսաննա Գաբոյանը հաղթել է շախմատի միջազգային մրցաշարում

Հայ շախմատիստուհի, միջազգային վարպետ, Հայաստանի կանանց կրկնակի չեմպիոն, ՀՀ ՊԿԱ քաղաքական կառավարման և հանրային քաղաքականության ամբիոնի 1-ին կուրսի մագիստրանտ Սուսաննա Գաբոյանը հաղթող է ճանաչվել հունիսի 2-6-ը Նորվեգիայի Կրագերո քաղաքում անցկացված Skagerrak Kragero Chess կանանց շախմատի շրջանային մրցաշարում։

Մեր հայրենակիցը 9 հնարավորից վաստակել է 6,5 միավոր և, առաջ անցնելով նորվեգացի և ուկրաինացի մասնակիցներից, գրավել է 1-ին տեղը։

Կառավարման ակադեմիայի ղեկավարությունը և անձնակազմը շնորհավորում են Սուսաննա Գաբոյանին՝  մաղթելով նորանոր հաղթանակներ: